வடுகபட்டிகாரனே உனக்கு எனது இனிய பிறந்த நாள் நல்வாழ்த்துக்கள்

ஒரு காலத்தில் உன்னை காதலிக்கும் போது
உலகையே உன் பார்வையால் பார்த்தேன்
நீ காதலித்தவற்றை காதலித்தேன்
நீ வெறுத்தவற்றை வெறுத்தேன்
உன் வார்த்தைகளை தெய்வ வாக்காகவே நோக்கினேன்.
உன்னை பற்றி மணிகணக்காக பேசினேன்
கவிதை, காதல் தொடக்கம் 
காமம் வரை உன்னிடம் அறிந்தேன்
இன்றும் அதேயளவு உன்னை காதலிக்காவிடினும்
என் மனதில் ஒரு மூலையில் ஒரு நிரந்தர நாற்காலி
போட்டு அமர்ந்திருக்கிறாய்
ஆனால் உன்னை முன்னரை போல் வியக்கவியலவில்லை
காரணம் அது அறியா பருவம்
இன்று நீ பிடிக்கும் பல காக்காக்கள்
எமக்கிடையிலான தூரத்தை அதிகரிக்கின்றன.
ஆனாலும் என்னை 
அமானுஷ்ய உலகத்தில்
நடக்க வைத்தவனே
தமிழை காதலிக் வைத்தவனே
வடுகபட்டிகாரனே !

உனக்கு எனது இனிய பிறந்த நாள் நல்வாழ்த்துக்கள்
இன்னும் பல காலம் வாழும்
வாழ போகும்
உன் தமிழ் போலவே 
நீயும் பல்லாண்டு வாழ
நீ நம்பாத நான் நம்பும் 
இறைவணை வேண்டுகிறேன்

இசைப்புயலுக்கு இனிய பிறந்த நாள் வாழ்த்து

எத்தனை நாட்கள் உன் பாடல் கேட்டு தூங்காமலிருந்திருக்கிறேன்
எத்தனை முறை இசை என்பது இவ்வளவு இனிமையானது என
உணர்த்தியிருக்கிறாய்.
அடுத்த வீட்டுக்கு சென்றாலே
ஆங்கிலம் பேசி தாய் மொழி மறக்கும்
மக்கள் அதிகமுள்ள காலத்தில்
உலக மேடையில் உன் தாய்
மொழியால்
நன்றி சொன்னவன் நீ...
நிறை குடம் தளம்பாது என்பதை
நான் உன்னில் கண்டு கொண்டேன்..
முயற்சித்தால் முடியாதது எதுவுமில்லை
என உலகுக்கு காட்டியவன் நீ
எல்லாரும் செய்வதை நீயும் செய்திருந்தால்
ஆயிரத்தில் ஒருத்தானாய் லட்சத்தில் ஒருத்தானாய்
இருந்திருப்பாய்....
எதையுமே தனித்து, ரசித்து செய்தவதால்
உலகுக்கே ஒருத்தனாய் மாறி விட்டாய்...
உன் மீது விழும் விமர்சனங்களுக்கு
புன்னகையாலும், நன் இசையாலும்
பதில் சொல்லுகிறாய்...

உன்னளவிற்கு நான் யாரையுமே வெறித்தனமாக
பின்பற்றியதில்லை, என்றைக்குமே நீதான்
என் ஹீரோ..

அல்லா ரக்கா ரஹ்மானே...
உனக்கு இனிய பிறந்த நாள் நல் வாழ்த்துக்கள்
இன்னும் பல்லாண்டு காலம்
நீயும் உன் இசையும் வாழ
”எல்லா புகழும் கொண்ட இறைவனை”
பிரார்த்திக்கிறேன்

Happy Birthday Ar Rahman Sir.

Facebook Badge